Thisen pe
Nimin khan UPC of Mizoram thalai PYD te chuan Civil hospital, Aizawl a damlo mamawh te hman atan thisen unit 264 an pe a, Leitan South Branch KTP ten Synod hospital tan unit 33 an pe bawk. Nimin vek khan Thalai Kristian Pawl, Lawngtlai Bazar unit chuan Lawngtlai damdawi in a hman turin unit 15 an pe a, SAY Siaha ten Siaha damdawi in tan unit 6 an pe bawk.

Nihliap sem

Tunhnaia khan Aizawla hmunpui nei 46 Assam Rifles te chuan an post awmna khua thenkhat Ngopa, Mimbung, Kawlbem, Vaikhawtlang leh Hnahlan ah te rualbanlo leh kum upa lam mi engemaw zat hnenah social distancing an kalpui theih nan leh fur a an hman tangkai theih nan nihliap an sem.