Ambulance hmantir
Aizawl: Donny Lalrozama Chhangte, B&M Honda leh B&M Home Appliances, Mamit Hospital Road-a awm chuan tunlai hrileng buaipuiawm tak Covid - 19 do let nan leh Mamit District Hospital-ten a tul ang anga an hman atan a Ambulance chu nimin khan a thlawnin a hmantir.
Dr. Vanlalfela, Chief Medical Officer, Mamit District chuan Covid- 19 do nana Medical Staff-te hahzia leh indaihlohna hria a, phal tak maia Ambulance a tul dan ang anga hman tura a thlawna hmantirtu chungah lawmthu a sawi tak meuh meuh a ni.

Ram pe
Presbyterian Kohhran, Upper Republic veng chuan Hualngohmun a an ram Rs.26,00,000/-senga an lei chu Upper Republic Branch YMA hnenah thlanmual ram atan an pe.

Nuai 25 chhung
Deputy Chief Minister Tawnluia chuan Covid-19 hri leng mek dona atan a tul apianga hman turin MLA fund atangin nuai 25 chu Chief Minister's Relief Fund-ah a chhung lut a, pawisa hi Khawzawl DC kaltlangin cheque hmangin nimin khan CM Relief Fund Account-a chhun luh a ni.

Thisen pe dawn
Dawrpui Vengthar Branch YMA chuan kumin 2020 YMA Day pualin, a mamawh apiang ten an hman atan Thisen pek rûnpui chu an veng YMA Indoor Stadium-ah June 16, 2020 hian an pe dawn.