Aizawl: Congress Thalai chuan Health Minister ngenna ngai pawimawha Mizorama mimal leh kohhran damdawi in inzawm-khawm pawl Non Governmental Hospital Association of Mizoram (NGHAM) ten Mizoram State Health Care scheme (MSHCS) zawm an remti chu lawmawm an tih thu an sawi.

Nimina thuchhuah an siamah MPYCC chuan Mizoram sawrkar leh MGHAM te inkara inremna avanga damlo, Mizoram State Health Care Scheme zawmtute dam-dawiin awm man bill theih a ni dawn ta chu lawm-awm an ti hle tih an sawi bawk a. MNF Sawrkar a, Ministry leh Official te inkara inrawn tawn loh vanga thil felhlel awm nia sawi hi thleng nawn tawh lo se, sawrkar hnathawkte puh mai lova rorelna fel leh dik, mipui innghahna tlak kengkawh zawk turin Mizoram sawrkar an phut tih an sawi bawk a.

Health Minister-in mimal leh kohhran Hospital neitute a tiam ang ngeiin damlo ten harsatna an tawh loh nan an harsatna rang taka sutkian sak vat turin an phut tih sawiin MPYCC chuan dinhmun harsa leh pachhia ten leirem an rah nan theihtawp a chhuah zel dawn niin an thuchhuah ah an tarlang bawk.