ZALEN July 20, 2023 ; NGO Co-Ordination Committee thukhawm chuan Manipur-a Zo hnahthlakte harsatna tawh mek chungchang an sawi hova, Zohnahthlakte chunga tawrhna thleng mek hriatpuina leh tawrhpui nan July 25, 2023 (Thawhlehni) Chawhma dar 11:00 hian Mizoram pumah “Zo hnahthlak unaute thlavang hauhna” kawngzawh huaihawt nise tiin a rel.

NGO Co-Ordination commitee (CYMA, MUP, MHIP, MZP, MSU) chuan Mizo mipuite thahnemngai taka an unaute tawrhna hriatpuia thawkchhuak turin a sawm a ni.
Kawngzawh ni hian Mizoram chhunga In tinah Puan dum zar theuh turin NGO Co-ordination Committee chuan a ngen a, Sawrkar hnathawk, Zirlai, Sumdawngte leh Lirtheia eizawngtute pawh kawngzawhnaah hian an hna tulte kalsan a tel theuh turin an ngen a ni.

Mizoram chhunga Meitei awm mekte an sahimna atan fimkhur turin NGO Co-Ordination Committee chuan a ngen bawk a ni.