Aizawl January 13, 2023: NGO Co-Ordination Committe vawiina thukhawm chuan January 10&11, 2023-a Myanmar Sipai Thawlawhtheihna ten India rawn lut a, India ram chhung nge Bomb tum hnih an thlak chungchang an sawi ho a, India ram himna leh zahawmna venhim a nih zel theih nan hma la turin sawrkar laipui an phut.

Thukhawm chuan Khawvel ram hrang hrang ten democracy tundin leh duh a Myanmar sawrkar an kawmserh mek lai a, an ram chhung helte bei tura thawkchhuak Myanmar sipai ten India boruak lut a, India ram chhunga tum hnih Bomb an thlak chu India ram himna tiderthawngtu nia an ngaih thu leh pawi an tih thu thuchhuah an siamah an tarlang.

NGO Co-Ordination Committee chuan India ram himna leh zahawmna venhim a nih zel theih nan hma la turin India sawrkar an phut a, hemi bawhzui nan hian Union Home Ministry-ah ngenna an thehlut dawn a ni.