Aizawl: Kolasib DC in National Highway kawngpui kam, Vairengte chhehvela kudam sak te titawp tura thupek a siam angin heng kudam te hi tihruah mek an ni.

Zalen palai thudawn danin kudam a bungraw dah te hi a neitu ten an lachhuak hlawm a, mahse heti chung hian truck thenkhat chuan inmawngzawm in bungrua te an la inhlanchhawng thin a, mahse traffic jam nasa leh kawng kama truck ding tam lutuk thin erawh chu a ziaawm niin an sawi.

Kolasib District huam chhunga Chhimluang leh Vairengte inkarah hian dan phal loha sak kudam 20 chuang a awm tih hmuchhuah a ni. Heng kudam ah te hian khawchhak lam atanga lo lut kuhva leh state pawn atanga lut leitha te dah an ni thin a. Kolasib DC chuan kuhva rah leh urea dahkhawmna hmun kudam hi The Warehouse (Development and Regulation) Act kalh anih vangin inthiar chhuak turin a hriattir a ni.