Aizawl May 3, 2024 : Ruahsur nasa lutuk avangin Hnahthial District-a Pangzawl Ramrikawn bula NH-54 kawngpui lei khi chat a awm avangin lirthei eng chi mah kal tlang theih a ni lova, zawh theih a nih hun tur a enkawltu lam pawh an la chiang thei lo.

PRO (Liasoning Officer), ABCI-BIPL(JV), NHIDCL. chuan thuchhuah siamin NH-54 kawng zawh turten an hriat atan leh chetsual palh a awmloh nan he kawng kaltlang tum LMV chin erawh chu Diversion road-ah an kal thei tih a tarlang a, Kawng chin a ranglama in hriattir leh a nih tur thu a tarlang bawk.

Pangzawl Ramrikawn atanga ZALEn thu dawn danin kawng chhiat dan en hian hun a duh rei an rin thu an sawi a, tuna lei khikchatna hmun hi tuikhur awmna thin niin tunah erawh tui erawh a awm tawh lo a, mahse, a hma lama tui lo awmna thin a nih a nih avangin a hnuai lam hi a lo hnip viau tawh nia an ngaih thu a sawi.

Thudawnna chuan Diversion kawng hi lirthei lian tan chuan rit phur lo pawh ni se, kal ngaihna awm lo a ni a ti a, chutihrualin MMV rit phur lem lo chu an kal theih mai a rinawm thu an sawi.