Aizawl July 17, 2023 : Agriculture Minister C. Lalrinsanga kaihruaina hnuaiah vawiin khan Mawmranga Organic Farmer Producer Company (FPC) leh NHAR Organic Pvt Ltd, Guwahati te chuan Contract Farming atan thawhhona thuthlung an ziak a, a tlem berah Metric Ton 60 atanga a tam lamah Metric ton 100 (Kg.1,00,000) thleng an inlei sak dawn a ni.

Inremna thuthlung ang chuan Mawmrang Organic FPC hnuaia kuthnathawktu chhungkaw 100 tena kumkhat chhunga Chhibung (White Sesame) an thar chhuah hi a tlem berah Metric Ton 60 emaw a tam lamah Metric ton 100 thleng NHAR Organic Pvt Ltd te hian an leisak dawn a ni. Mawmrang Organic FPC hnuaiah hian Pawlrang, Khawkawn, Changzawl leh Lamzawl khuaa kuthnathawktute an thawkho a ni.

Mawmranga Organic FPC leh NHAR Organic Pvt Ltd te thawhhona MOU ziahna hun hi Agriculture Minister C.Lalrinsanga chuan a kaihruai a. Agriculture Minister chuan tunhnai-ah Haulawng lama Mizo Hmarchate tharchhuah te USA-ah hlawk takin hralh a ni tawh tih Minister chuan a sawi a. Kuthnathawktute thawhrimna rah hlawk zawka sum a chanter turin sawrkarin hma a la chho mek zel a ti a. Thlairah dangah pawh Contract Farming chu kalpui zel tum a nih thu leh hma pawh lak mek zel a ni a ti.