Aizawl October 3, 2024 : Ni hnih awh tur, State Level Training on Strengthening of Diagnostic Services for Laboratory Technicians chu DHME Conference Hall, MINECO ah vawiin khan neih tan a ni a. Training hi National Health Mission NHM), Mizoram leh Regional Resource Centre for North East (RRC-NE) te nen tangkawpa buatsaih a ni.

Training hi Sawrkar hnuaia Damdawiin Laboratory te tih hmasawn lehzual nan-a buathsaih a ni. October 3, 2024 hi District Hospital leh Sub- Divisional Hospital-a thawk Lab Technicians te tana buatsaih niin October 4, 2024 hi CHC, PHC leh UPHC-a thawk te tana buatsaih a ni.

Dr. Lily Chhakchhuak, Joint Director, Family Welfare & SPO, RCH in kaihhruaiin lawmna thu a sawi a. Regional Resource Centre Director - Dr. Raj Prabha Moktan leh a team ten an hmanpui a, Dr. Mary Zohmingliani, SNO, FDI-in sawrkar damdawiin-a Laboratory-in an test theih te leh an khawl chungchang sawifiahna a nei.

Resource Persons atan Dr. Zothanmawii, Professor, Dept. of Pathology ; Dr. Elizabeth Zothanmawii, Senior Resident, Dept of Biochemistry, ZMC leh Dr. Lalrinpari Sailo, Senior Resident, Dept of Microbiology, ZMC ten hun an hmang a. Hands on Training neih a ni bawk.