ZALEN Feb 25, 2025; Tun hnai ni hnih, darkar 48 chhunga chhiatna/vanduaina hrang hrang thlengah Mizo mipa boral mi 8 zet an awm.

Inrinni (22.2.2025) zan 7:30 vel khan lirtheia chetsualnaah V Lalhmingthanga (55), Sakawrdai chu a thi.

Bike Accident avangin C Zothanmawia, kum 33 mi Champhai Vengthlang chu Pathianni (23.5.2025) zing dar 1:55 ah a thi.

Valentine VL Chhana kum - 23 Mechanical Engineer Kerala a zir mek chu, vanduai thlak takin ni 23.2.2025 (Pathianni) zing lam dar 1 : 05 khan a zirlai pui Mizo vekin chemtea a vih vangin a boral a. 

Pathianni (23.2.25) chawhnu lam khan Laithangpuia (48), Ramhlun Sports Complex chu Lengpui kai, Buichali-ah chesualin a thi.

Pathianni (23.2. 2025) zan dar 7:30 vêl khan Malsawmdawngliana (32) s/o Kawlkhuma, Champhai chu AMC opposite Royal Public School (RZ PLAZA) Building sir footpath atanga tla thla in a thi. 

February 24, 2025 tlai dar 3 bawr vel khan Samuel Lalramthanmawia (22) s/o VL Hmingthanpuia Salem Veng chu bike chesualah a thi.

Thawhtanni (24.5.2025) khan Hosana Lalrinpuia (Hos-a), kum 42 chu a chhenna In Tuikhuahtlang, Republic Road kawng chhak lama Kapthanga, Section-I In luah chu thi a hmuh a ni. 

Nimin ni 24 chawhma dar 9 vel khan Rothuama kum - 40 Melthuma cheng mêk chu Hlimen ah mi huana in hlawh tur chesualin a thi. 

Thawhtanni (24.2.2025) zan dar 9 bawr vel khan Sairang khaw pelh Thlanvawngkawn ah Gas phur a chesual.

Pathianni (23.2.25) dar 10:10 vel khan Khawbe- ah David Lalchhuanmawia in, Assam Type chu bungraw chuh hman loh in a kang.

(Heng tarlan te hi ZALEN in a hriat theih chin te an ni)