Tripura BJP hruaitu hlun, Manik Saha chu Nilaini hian chief minister atan rinawmna thu tiamtira lak luh a ni dawn.

Zirtawpni khan Saha hian sokar thar siamna kawng hawn nan chief minister a nih lai mek atanga bânna a thehlut.

Saha hian Tripura Governor SN Arya hnenah Agartala-ah Raj Bhavan-ah a thehlut a ni.

“Governor hnenah banna ka thehlut a, sorkar thar siam a nih hma chu chief minister lo ni zui turin min ti a. Sorkar thar lak luh hi March 8-ah neih tura tih a ni,” tiin Saha chuan a sawi.

BJP hian a zawna vawi hnih nan Tripura hian sorkar an siam leh dawn a, tun hnaia assembly inthlanah thlan tlin nawn leh an ni.

BJP-IPFT tang dun hian bial 60 awmnaah bial 33 an la a. Lal thlah, Pradyot Debbarma kaihhruai TIPRA party chuan bial 13 an la a, anni hi assembly inthlan an vawi khat chuhna a ni.

Left-Congress tang dun chuan bial 14 an chang ve a. Trinamool Congress (TMC) chuan bial 28 an chuh a, bial lak an nei lo thung.