ZALEN, Mar. 18, 2025: Mizoram AYUSH Doctors’ Association (MADA)-in Nisapui leh a chhehvel khuate tana Nisapuia AYUSH Free Clinic an buatsaihah mi 200 vel an inentir a, ramhmul damdawi chungchang zirtirna an nei nghal.

Thawhlehnia free clinic buatsaihah hian MADA member 16 thawk chhuakin Nisapui Village Council-in lo dawngsawngin a thlawnin AYUSH damdawi an sem a, a thlawn thovin thisen test chi hrang hrang an tihsak a, mipui pawhin an hlut hle.

Inentir hun hawn hma hian hriselna kawnga mipuite inzirtirna hun hman niin exercise lak dan chi hrang hrang, an mamawh dan azir leh an natna azira lak dan tur zirtirna hun neih a ni tel a ni.

He hunah hian MADA vice president chuan thu sawiin zau zawka mipuite tana rawngbawl turin hma an la zel dawn tih a tar lang.