ZALEN Oct. 24, 2024; Kawng chhia leh oil man tih san nghawng nia ngaih theih turin, tunlaiin nitin mamawh hrang hrang man a to chho nia hriat a ni.

ZALEN thudawn danin, tunhnai chho atangin state pawn atanga nitin mamawh hrang hrang Mizoram a lakluhte a man a to chho a, chung zingah chuan tel (cooking oil) pawh telin, Aizawlah chuan dawr tam takah tel fun (pack) khat Rs. 150 te a hralh a ni mek tawh.

In sakna bungraw man pawh tunlaiin a to chho nia thudawn ni bawkin, chung zingah chuan cement man pawh a tel a, hetianga bungraw hrang hrang man a san chhoh nachhan hi chhan hrang hrang awm theiah, kawng chhia leh oil (petrol/diesel) man to nghawng a ni pakhat a ngaih a ni.

Hetihlai hian Mizoram a chawkluh, nitin mamawh hrang hrangte hi a man to lai leh tlawm lai a awm ve hrim hrim thin nia thudawn ni bawkin, hun hrang hrang-ah thil man hi a inang lo thin niin thudawnna pakhat chuan a sawi bawk.