July 21, 2023; New Serchhip a khawsa, Nl Runremmawii chu thing mistiry (carpenter) chhuanawm tak niin, ani ang hi Mizo hmeichhe zingah an tam in a rinawm loh.

Nl Runremmawii pa, Ramtharnghaka'n ZALEN a hrilh danin, mistiry bungrua lam a hautak avangin an pafa in an inzui thin a, a pa a theih loh chang pawhin harsatna awmlo in amahin hnathawh tur awm ang te a thawk mai thin.

An pa ber hi tun hma atanga thing mistiry niin, a hnathawhna ah helper turin a hruai thin a, a pa ang bawkin tunah chuan mistiry puitling a chhawr theih a ni tawh.

"Hnathawh nuam a ti a, a tuina zawng a nih avangin nuam ti takin a thawk thin, mistiry bungrua, khawl lam chi pawh hman thiam loh a nei lo," Ramtharnghaka chuan a ti.

Kum 1998 a piang Nl Runremmawii anga thing mistiry lam a kal hi Mizo hmeichhe zingah an tamin a rinawm loh.

Tunlai hunah thing mistiry te tana hna a tam zia te, an hlawh a that zia te pawh a hretu te vek kan ni e.