Bollywood film chhuak thar tur 'Satyamev Jayate 2' a inlan Nora Fatehi chu shooting neiin a buai hle a, ni hnih (darkar 48) chhungin darkar 37 zet camera hmaah a inlan! Kum 29 mi Nora Fatehi chuan a hun tawn chu a khirh ve hle tih a sawi a, shooting an neih tawha harsa ber a nih thu a sawi chhuak hial. 
'Satyamev Jayate 2' ah hian hla pakhat 'Kusu Kusu' tih chu telh a ni a, he hlaah hian Canadian dancer hi a intheh thil vel a ni. Nora chuan, "Ka thi awrh kha a ritin chet vel a tiharsa tak zet a, hruzena min phuartu awm ang mai a ni - harsa ka ti tak zet," tiin a sawi. 
'Satyamev Jayate 2' hi tun thla chhunga tihchhuah hman tura ruahman niin, hun chep tak karah Nora Fatehi hi shooting neihpui a ni a, ni hnih chhung lekin darkar 30 chuang shooting hi an nei a ni. He film-ah hian - John Abraham leh Divya Khosla Kumar te an changdun a, film kar lakah Nora Fatehi leh a hote an inlan dawn bawk avangin tun hnaia Bollywood film chhuak thar turah chuan boruak nei lian ber pawl a ni.