June 13, 2023; Mizoram Youth Commission (MYC) chairman Dr. Vanlaltanpuia'n Mizo thalaite leh MYC hnuaia coaching kal ten saptawng bel leh nal zawk a an hman theih nan Susan R. Chafin (Rose-i) an ruai tih a sawi.

MYC chairman sawi danin, MYC coaching centre ah Thawhtan, Nilai leh Zirtawp a piangin rawn/interaction neihpui theih a ni ang.

Ruahmanna an siam danin, MYC coaching centre bik ten Nilaini ah interaction an neihpui thin ang a, leh Zirtawpni ah OET kal hoin chawhnu last period  angin an nei ang, mipui/thalai a duh a piang ten Thawhtanni ah interaction an neihpui thei bawk ang.

MYC in an rawih hun chhung tur an la ti fello a, a hlawh tur chungchang chu minimum wages a awm sa a, chumi mil chuan a hlawh pek tur a ni.

MYC in an rawih Rose-i hi American a ni a, American aiin British tawng hman a la har leh zual avangin British mi pawh rawih leh tum a la ni. 

North Carolina nula, Rose-i ti a Mizo mipui nawlpui ten kan hriat hi Tuipui D a Mizo pasal nei niin, a pasal fanaute nen tunah hian Bungkawn Vengthar ah an khawsa mek a ni. Rose-i hi kar hmasa lam khan contract sign pui niin, tunkar chho atanga chhawr tan tur a ni.

Thuthar lakhawmtute a lo kawm tawhana ah Dr Vanlaltanpuia chuan, commonwealth leh UK-a nurse tirh an nih theihna atan an tirh tura ten International English Language Testing System (IELTS) leh Occupational English Test (OET) an paltlang a ngaih thu a lo sawi tawh a, Mizo nurse-ten awlsam zawka IELTS leh OET an paltlang theihna atan hma lak a nih thu te, sap pachal an titipui theih dan turte ngaihtuah a nih thu te a lo sawi tawh.