November 16-19 chhungin International Tourism Mart Aizawlin a thleng dawn
![](/storage/news/post/seSSQOUVk1ou2snEztztSESLO10sPXWt1jQHoFH6.jpg)
November 15, 2022; November ni 16-19 chhungin Tourism Kutpui International Tourism Mart (ITM) Aizawl in a thleng dawn a. ITM hi North East India state ten Tourism lama hmasawnna an neih theihna tura Ministry of Tourism, Govt. of India leh a thlengtu state ten kum 2013 atanga an huaihawt thin a ni.
Hemi chungchangah hian vawiin chhun dar 12 khan Tourism minister Robert Romawia Royte chuan a office chamber, MINECO ah thuthar thehdarhtute kawmin, ITM huam chhungah state hrang hrang Arunachal Pradesh, Assam, Manipur, Meghalaya, Mizoram, Nagaland, Sikkim, Tripura te bakah state hrang hrang atangin Tourism Service Providers te an tel thin tih a sawi.
Tourism minister sawi danin, ITM hmasa ber chu kum 2013, January thla ah Guwahati, Assam ah neih a ni a, hemi hnu hian harsatna a awm a nih loh chuan state hrang hrang ten an inthlen chhawk thin. North East state dangten an thleng vek tawh a, state thenkhat phei chuan an thleng nawn tawh zawk a ni.
Kumin ITM hi AR ground, R. Dengthuama Hall, Raj Bhavan leh Reiek Tourist Resort ah te hman tura ruahman niin, Mizoram State Mega Exhibition chu AR Ground ah mipui tana huaihawt a ni dawn a, November ni 16, chawhma dar 10:30 ah Dr. R. Lalthangliana, Commerce & Industry minister in a hawng ang a, November ni 17 zan dar 6:30 ah G. Kishan Reddy, Union minister of Tourism in ITM hi R. Dengthuama hall ah a hawng bawk ang.
ITM atan hian sawrkar laipui a Ministry of Tourism chuan Rs. Nuai 430 vel a ruahman a, hemi bakah hian Mizoram sawrkar chuan Rs. Nuai 200 vel a ruahman bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024