Aizawl: National Students’ Union of India Mizoram State chuan quarantine mek zirlaiten NEET an exam ve theih ngeina atana hma la turin sawrkar an phut.

National Students’ Union of India Mizoram State thuchhuah chuan hipui leng karah, NEET(UG) Exam chu September ni 13.2020 (Pathianni) hian Exam Centre hrang hrangah neih a ni dawn tih sawiin exam bei tur hian hmun hran hran atangin zirlaiten Aizawl an rawn pan khawm niin an sawi a. Hetih lai hian Exam Centre thenkhatin zirlai quarantine ngai leh quarantine mekte an centre-a exam an phal lo nia sawiin zirlaiten exam pawimawh tak hmachhawn tura an lo inbuatsaihna a thlawn loh nan, zirlai quarantine ngai leh quarantine mekten exam hi a hmachhawn theih ngei nan, VC/ LC inthlana laia quarantine-te tan vote thlak theih nana ruahmanna an siam anga hma laksak turin Higher & Technical Minister zahawm tak leh a thawhpuite an phut tih an sawi.