Nuai 15,000 zet inbumna-ah chargesheet thehlut, Aizawl car dealer 4 inthurual- Police
![](https://zalen.s3.ap-south-1.amazonaws.com/images/news/1721059989_Clipboard02.jpg)
ZALEN, 15th July : Nuai 15,000 zet tling car loan inbumna Mahindra & Mahindra Financial Services Ltd. Hmarchhak state a sum tih chingpenna lian berah police lam chuan CJM Aizawl hnenah Chargesheet pahnih, phek zathum (300) chuang chu he pawikhawihnaa a bultumtu Jakir Habibur Hussain leh a thurualpui mi 19 lakah theh luh a ni tawh.
Mizoram atang chuan Nuai 15,000 car loan inbumnaah hian car dealer CK Motors Hyundai, NBE Tata, Rafael Nissan leh Aidu Motors Renault te chu chiang takin an inhmanhnawih niin police thuchhuah chuan a tarlang a, chargesheet zingah pawh an tel nghe nghe mai bakah an tang ho niin police lam chuan an sawi bawk a ni.
He case chhui zuinaah hian Bank account 177, a belhkhawma cheng vaibelchhe 5 (5 crores) awmna hren niin, car model hrang hrang 15 (sawmpanga) man a ni bawk. Heng car hlutna hi vaibelchhe 10.5 (10.5
crores) vel nia chhut a ni. Heng bakah hian customer lem loan lakna - 2035, seal leh stamp lem - 25, laptop – 3, mobile phone – 10, SIM Card – 35, mimal I.D engemaw zat leh pawikhawih nana hman ni ngeia hriat hmanrua eng eng emaw man a ni bawk.
Pawi khawihtu nia puh bank account lem, Mahindra Finance Limited hotu lemchanga a siam bakah bank account - 12, a neitute remtihna tel lovin he pawikhawihna atan hian a hmang a ni.
March 20, 2024, khan Aizawl PS-ah Ankit Bagree, Circle Head of Mahindra & Mahindra Financial Services Ltd. (MMFSL) in complaint a siam angin ziah luh a ni a. MMFSL hi vehicle loan pechhuaktu an ni a, he F.I.R- ah hian an Area Business Manager, Mizoram, Jakir Hussain, kum 41, s/o Habibur Hussain (L), H/No T-127, KV.Tlangmawia Building, Tuikhuahtlang, Aizawl (permanent resident - Tejpur, Assam) chuan vehicle loan pek chhuah chungchangah sum a tichingpen nia an hriat thu a sawi a ni. Hemi hnu, March 29, 2024 hian thubuai dang, Crime & Economic Offences PS-ah Chanpreet Singh, Business Head, MMFSL in FIR a thehluh angin ziah luh leh a ni. Hnuchhuina atang hian he thila inhnamhnawih mi - 20 te hi hriatchhuah a ni.
Hnuchhuina hi la chhunzawm zel a ni a, midang inhnamhnawih te pawh an la awm nia hriat a ni a, mihring leh bungrua man belh a awm a nih chuan chargesheet pawh a tul anga siambelh a ni ang.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024