Aizawl: Nimin zing khan Women & Child Development, Social Welfare Department hnuaia POSHAN Abhiyaan te chuan nutrition lam chungchang in hrilh hriat pahin Nutrition Marathon 5K Run (Run for a cause. Run to beat malnutrition in Mizoram) an buatsaih a. POSHAN Abhiyaan hian a tum chu chaw tha eilohna avanga naupang thanthu leh cher lutuk tih tlem leh nu, naupang leh tleirawl zing a thisen tlakchhamna tih tlem a ni.

Nutrition Marathon hi Vanapa Hall kawtah Social Welfare Minister Dr.K.Beichhua chuan a vailiam a, kan hriselna hi keimani kut a innghat a nih thu leh ei leh in chungchang hrisel na atana a pawimawhna te a sawi a ni. Vanlalpianpuii Director, Women & Child Development pawhin thu sawi in naupang thanthat nana nu in nau a pai atanga naute kum 2 an tlin thlenga enkawlna uluk taka pek a pawimawhzia leh hemi kan enkawlna hian an puitlin hnu thlengin an nihdan tur phung a hril thu a sawi bawk. Hei bakah hian S. Malsawmtluanga (Brand Ambassador POSHAN Abhiyaan) pawhin thu sawi in eng kawng pawh zawh dawn ila kan ei leh in leh kan hriselna kan uluk a tul thu leh, kan ei leh in hian thui tak kan hmalam hun a hril thu a sawi.

He hunah hian participants 1000 chuang awmin Men, Women, Under-15 leh Under-10 ah te intlansiakna neih a ni a, intihsiak ah hian thalai leh naupang thahnem tak an tel. Nutrition Marathon 5K Run hian Medal, Certificate leh Pawisa fai a keng tel a ni.