Aizawl: Chief Minister hlui, Lal Thanhawla False Affidavit thubuai chungchanga thutlukna chu October ni 3,2019 hian puan tum a ni.

Chief Minister hlui Lal Thanhawla hian kum 2013 Assembly inthlanpui neih dawna Affidavit a thehluhah Kolkata-a a In neih a tarlan loh avangin Affidavit diklo a thehlut tiin Lalhriatrenga Chhangte chuan nikum January ni 17 khan Serchhip District Court-ah thubuai a thehlut a, hei hi ngaihtuah chhunzawm zel niin, Zirtawpni khan Serchhip District Court-a Judicial Magistrate, JH Lalparmawii hmaah he thubuai hi ngaihtuah chhunzawm leh a ni a, hetah hian he case-a a tawpna atan Lal Thanhawla aiawha dingte chu thu zawhfiah leh an nih hnuah he thubuaia thutlukna chu October ni 3, 2019-a tihchhuah tura tih a ni ta a ni.