Aizawl May 2, 2024 : PC Party chuan vawiin khan ana party office-ah chanchinthar thehdarhtute an kawm a, MLA kan neih mek te zingah Office of Profit la an awm an ti a, heng ho hi an ban theihna turin hma an la mek tih an sawi a, party tin te thawhpuiah-an sawm.

PC Party chuan heng MLA te hi ban an nih theihna turin AAP, BJP, Congress, MNF, ZNP leh ZPM te chu thawhhopui-ah an sawm vek an ti a, mahse, tumah hming hmerin heng MLA te hi an la puang dawn rih lo tih an sawi a, tunah hian MLA pariat chuan Office of Profit an la tih an sawi a, hei aia tam pawh hi an la awm thei an ti bawk.

ZPM sawrkar chu sawrkarna tha siam turin duhsakna an hlan a, an chungah rinna an nghat tih an sawi a, rinna an ngheh chhan pawh ZPM sawrkarah hian Brig. T. Sailo hnuaia lo tal hrep tawh engemaw zat an awm vang a ni, an ti.