ZALEN March 6, 2025; Supply minister B Lalchhanzova'n Oil Depot siam tum a hmalak mek a ni tih sawiin, tun atanga thla li hnu velah a hmun tur thlan fel theih beisei a ni tih a sawi.

Vawiin assembly budget session zawhna hunah member te zawhna leh zawh belhna te chhangin supply minister chuan, Oil Depot hmun tur chu Sairang Rail Station hnaih a siam tur a ni tih sawiin, a hmun tur IOCL in a la thlang fel lo niin a sawi.

"A hmun tur hi IOCL in a la thlan fel loh avangin khawilai nge, tu ram nge acquire tum tih sawi theih a la ni lo," ti bawkin, sawrkarna an chan tirh atanga theihtawp chhuaha an buaipui thu te, tun atanga thla li chhung velin a hmun tur thlan chhuah (short list) atanga ram pahnih, Mualkhang leh Sihhmui atangin ICOL in duh an thlan fel theih beisei a nih thu te a sawi.