ZALEN July 25, 2025; Mizoram chak lakna kawngpui chhia avanga Mizoram a tuialhthei phur luttu Mizoram Oil Tanker Driver Association (MOTDA) te chuan vawiin khan an nawrh an titawp.

Kolasib DC Robert Lalhmangaiha chuan vawiin khan MOTDA Hqrs hruaitute chu Vairengte a an office ah kawmin, Mizoram hmun hrang hrangah tuialhthei a harsat thu hrilh in, an nawrhna titawp turin a ngen a, Mizoram a tuialhthei phurtu tanklorry te chu load la tur leh load la a ding te chu mipuite harsatna hria a, an nawrh bansan turin a ngen.

Kolasib DC chuan, tanklorry driver te chu nawrh an huaihawt avanga Mizoram mipuiten harsatna an tawh dan te hrilh in, sawrkarin oil phurtu tanklorry te kal theihna tura hma a lak dan te a hrilhfiah bak ah, oil phur driver kal tur te pawh Driver Association lamin kal lo turin an vau bet tih sawiin, Mizoram lut tur tanklorry kawng laka tangkhang zawng zawng te chu vawiin la la a kal turin a hriattir a, sawrkar thu zawm duh lo leh harsatna siam lui an awm chuan an chungah dan lek kawh a nih tur thu DC chuan a hrilh nghal a ni.

Hemi hnu hian Vairengte leh a chhehvela Tanklorry 6 ding mek te chu vawiin tlai dar 3:30 khan Vairengte chhuahsanin Aizawl lam pan in an chhuak nghal a, Silchar kawng lamah tanklorry tangkhang an awm leh awm loh DC hovin enfiah nghal a ni bawk. 

DC leh MOTDA hruaitute hi hun engemawchen an in biak hnuah vawiin khan MOTDA hian an nawrh an ti tawp nghal a ni.

#ZalenNews