Aizawl: Aizawl DC in curfew a puan mekah online hmanga curfew pass

diltu ten hmuh a har thu an sawi a. Hetih lai hian DC office thawktu te chuan document an thehluh kim loh vanga curfew pass dilna hi hnawl a ni tih an sawi.

Online a curfew diltu thenkhatin Zalen an hrilh danin dilna a thil tel ngai nia sawi an thiltel vek pawhin an dilna hi hnawl a ni zel niin an sawi a. Mahse DC office thawktute chuan document thiltel ngai voters id, adhaar, driving licence, damdawi lehkha etc. te an upload kim loh avangin an dilna hi hnawl a ni thin niin an sawi thung.

Hetih lai hian DC office, Judicial Branch ah chuan plain paper hmangin dilna hi thehluh theih a ni a, helai hmuna curfew pass dil te chu an hlawhtling deuh zel niin an sawi. DC office thawktu te chuan mipui himna atan curfew pass chu a tlem thei ang ber pek an duh tih an sawi a, tuna an pek ho hi chu loh theih loh te niin an sawi.