ZALEN February 17, 2025 : School Education Minister Dr. Vanlalthlana hovin vawiin khan Samagra Conference Room, Zarkawt-ah a Department chan pali (4) – School Education, Higher & Technical Education, Information & Public Relations leh Information Communication Technology-te tana din Consultative Committee chu an thukhawm a. He Committee a Member, MLA pali (4) ruat zinga pathum (3) – Dr. K Beichhua, Ramthanmawia leh Baryl Vanneihsangi Tlau te chu an tel a ni.

Consultative Committee ah hian Department 4 - School Education, Higher & Technical Education, Information & Public Relations leh Information Communication Technology hotu lu (Secretary) te chuan Consultative Member-te hmaa an Department theuh hmalaknate sawizauna neiin an hmachhawpte leh harsatna hrang hrangte an neih leh tawh mekte an tarlang bawk a, MLA ten Department chungchang hriatchian an duhlai te hrilhfiahin zawhna an neih an chhang bawk a ni.