ZALEN July 24, 2025; Vairengte Senior Secondary School (Samagra Science stream) i/c Principal Lalhuzauva Chhakchhuak sawn chhuah duhloh lantirin nimin khan MZP Sub Hqrs leh zirlai nu leh pa leh zirlaiten first term exam an neih mek chu an dang.

Principal sawn chungchangah hian zirlai nu leh pate, zirlaite leh MZP Sub Hqrs Vairengte chuan hma an lo la tawh a, school gate bulah sit in demonstration an lo nei tawh. 

Principal sawnna order chu sut leh turin sorkar an ngen a, an beisei ang hlawhtlinna an hmuh loh avangin nimin chawhma dar 9 vel khan school gate ah pungkhawmin Vairengte HSS-a art zirlaite chu anmahni thlawp a, exam lo turin an dang a, buaina engmah awm loin, muanawm taka indan a ni.

Vairengte HSS Managing Board te chuan exam ṭhulh a nih thu leh exam chu Thawhṭanni lamah sawn a nih thu an puang a, zirlai exam tum exam thei lo te pawh an ṭin zui a ni.

#ZalenNews