DOWNLOAD OUR APP

Read latest news on your phone
app-store

OSD to CM IN BANNA THEHLUT

Jan 25, 2023

Officer on Special Duty (OSD) to CM Rosangzuala chuan vawiin chawhma khan Chief minister Zoramthanga hnenah OSD to CM a nihna leh MNF headquarters a Adviser to CM a nihna atanga banna a thehlut.

January 25, 2023; Officer on Special Duty (OSD) to CM Rosangzuala chuan vawiin chawhma khan Chief minister Zoramthanga hnenah OSD to CM a nihna leh MNF headquarters a Adviser to CM a nihna atanga banna a thehlut.

ZALEN in a biakna ah Rosangzuala chuan banna a thehluh chhan chu MNF party boruak vang a ni lo tih sawiin, CM chu pa tha tawpkhawk a nih thu a sawi a, MNF party chhuahsan tumna a nei lo tih a sawi. Chhungkaw lam enkawlna a hun tam zawk hman a duh vangte leh social media a a chungchang neuh neuh tam lutuk thin a nin tawh vang a nih pakhat bakah, an party thatna tur zawk a nih a rin vang a nih thu a sawi. "Nikum ah OSD to CM a nihna atanga ban/chawlh vawi 2 ka lo dil tawh," Rosangzuala chuan a ti.

Department of Personnel & Administrative Reforms (DP&AR) secretary in September ni 14, 2021 a hriattirna (notification) a tihchhuaha a lan danin, OSD to CM atan Rosangzuala s/o F. Lalsanga (L), Luangmual, Aizawl chu ruat a ni a, a awmna hmunpui chu Aizawl a ni ang a, engtik hunah pawh chawlhtir (terminate) theih a ni. Lawmman/hlawh (honorarium) atan sawrkar atangin thla khatah Rs. 1 dawng tura tih a ni a, Mizoram sawrkara secretary tlukpui (rank) a ni.

Share now