Aizawl: OSD to Chief Minister Rosangzuala office enkawlna, zin veivahna leh thil dangah te Rs. 21,59,197 hman a ni.

Assembly session neih mekah Aizawl North II bialtu MLA Dr. Vanlalthlana zawhna ziaka chhangin Finance Minister Zoramthanga chuan OSD inenkawlna atan hian Rs. 21,59,197 hman a nih thu hi a sawi a. Sum hmannate hi TA/DA-ah Rs. 4,66,243 te, MR bill ah Rs. 1,44,459 te, office-a staff pahnih hlawhah Rs. 11,63,495 bakah lirthei hman man (vehicle outsourcing) atan Rs. 3,85,000 te a ni tih a sawi.

Finance minister chhanna tar lan danin heng a chunga tar lan te hi bill pek tawh chin a ni a. Hei bakah hian MR bill leh lirthei bill pek leh tur a la awm nia sawiin hei hi pass/approve a la nih loh avangin a zat chiah a la hriat loh niin a tar lang bawk.