ZALEN July 21, 2025 : Mizoram sawrkar lehkha pawimawh chhutna Printing & Stationary khawlpui chu hun engmaw chen chu hman that theih lova a awm tawh avangin sawrkar lehkha pawimawh te mimal digital press-ah chhut tir a ni.

Printing & Stationary khawpui ber hi a page setter a that loh bakah a belt a mawih tawh avangin duh angin hman theih a ni lo a, chhut theih tawk tawk ni mah se, a chhiat zual hlauhna avangin an hmang ngam rih lo tih Printing & Stationary atanga thu dawnna chuan ZALEN a hrilh.

Heng khawl chhia part hi India ramah lei tur a awm loh avangin Germany-ah chah a ni a, Delhi a rawn thlen hunah Delhi atang hian Mizoram a rawn pan ang.