Aizawl: Nimin zinga result tihchhuah ah COVID-19 positive thar 1 hmuhchhuah a ni a, tun dinhmunah hrikai enkawl mek mi 27 an awm.

February ni 5, 2021 khan ZMC RT-PCR laboratory-a sample test zingah COVID-19 positive 1 hmuhchhuah a ni a. District hrang hrang TrueNAT laboratory leh RAgT hmanga sample test zawng zawng a negative vek a ni. ZMC a hrivei hmuh thar hi mipa kum 45 mi, 90 Bn BSF mi leh sa a ni a. Uttar Pradesh atanga lo lut, quarantine facility-a khunghran lai mek, symptom nei lo a ni.
Tun dinhmunah Mizoramah Covid-19 case 4381 a awm tawh a, heng zinga 3205 hi mipa niin 1176 chu hmeichhia an ni a, enkawlna hmun atangin 4345 damin an chhuak a, mi 9 an thi tawh a, tuna vei enkawl mek 27 an ni. Mizorama Covid 19 vei tihdam zat (recovery rate) chu 99.17% a ni.
District hrang hrang dinhmun chu Aizawlah vei mek 19, dam tawh 2850, thi 8, Lungleiah vei mek 4, dam tawh 410, Siaha ah vei mek awm lo a, dam tawh 36, Champhaiah vei mek awm lo, dam tawh 94, Kolasib ah vei mek 1 dam tawh 294, Serchhipah vei mek awm lo, dam tawh 179, thi 1, Lawngtlaiah vei mek 2, dam tawh 329, Mamit ah vei mek awm lo, dam tawh 82, Khawzawlah vei mek awm lo, dam tawh 23, Hnahthialah vei mek 1 , dam tawh 19, Saitualah vei mek awm lo, dam tawh 29 an ni.