Aizawl : October ni 30, 2021 Inrinni a 4th Tuirial Assembly Constituencyl bye election neih turah party hrang hrang ten tlin ngei tumin theihtawp an chhuah.

Nimin khan bye election neihna tur bial hi Aizawl chanchinbu mite chuan an tlawh a. Party hrang hrang ten tlin ngei tumin campaign an beingawrh hle a, party tin te hian tlin an inbeisei vek a ni. Khaw tina party hrang hrang campaign office te a lun hle a, boruak muanawm tak karah campaign hi neih a ni. 

October ni 30, 2021 a Tuirial bial inthlan lo awm turah hian party pali Congress, BJP, MNF leh ZPM ten candidate an nei a. ZALEN in mi hrang hrang a kawmnaah BJP tih loh chuan beiseina sang tak an nei tih an sawi vek a ni. Tuirial bial inthlan atan hian tunkar Nilaini tlai thleng campaign theih a ni ang.