Aizawl: Mizorama political party hrang hrang te chuan Krismas vuakvetah hun engemaw chen office an khar hnu in naktuk atang hian an pisa hawn tan an tum.

Rorellai MNF party chuan naktuk chawhma dar 11:30 hian an pisa Mizo Hnam Run an hawng dawn a, Hnam Run hawnna inkhawm hi vice president Lalthlengliana chuan kaihhruaiin party president Zoramthanga'n thu a sawi ang.

Zoram Peoples Movement party chuan chawhma dar 11 hian an office an hawng dawn a, office hawn inkhawm hi party president Lalliansawta chuan a kaihruai dawn a. ZPM Leader Lalduhoma leh mi pawimawh dang ten thu an sawi ang.

Mizoram Pradesh Congress Committee pawhin naktuk chhun dar 12 hian Bhavan an hawng tan leh dawn a, hawnna inkhawm hi party treasurer Zodintluanga Ralte in kaihhruaiin party president Lalsawta chuan thu a sawi dawn a ni.