Aizawl: Ministry of Tourism chuan a kum thumna atan “Paryatan Parv - Tourism festival” chu Oct ni 2, Mahatma Gandhi piancham kum 150-na denchhenin kar hnih chhung awh tur a kalpui.

Paryatan Parv hian a tum ber chu India ram leh state hrang hranga Tourism chawikan nana mahni ram ngaihhlut nachang hriat te leh domestic tourism tihhmasawn leh kan ram inrelbawl dan hi Tourism tihhmasawnna nen kalkawptir a ni. Tourism leh a kaihhnawih chungchanga mipuite hriat tur pawiawh pholan leh zirtir hi he festival hian a tum tak a ni.

Mizoram Tourism pawhin ‘Paryatan Parv’ chhung hian Discussion Show on Tourism Awareness in Mizoram, Anthurium Festival chhung leh social media-ah Awareness Campaign, Day heritage trips for students leh Open Photography Conpetition te buatsaih mek a ni a. Nimin khan Bicycle Peace Rally buatsaih a ni bawk.

He peace rally-ah hian cyclist enge maw zat telin hlawhtling taka ride neih a ni a. Zing dar 7-ah Tourism Director Saitluanga, chuan Sikulpuikawn -ah flag-off-in cyclist-te chu World Bank Road lama tlanin hun hlawhtling tak hman a ni.