ZALEN Oct. 29, 2024; Mizoram a Pawan Hans helicopter service mek-ah Aizawl - Siaha chu chuan man (fare) sang ber a ni.

Mizoram sawrkar a GAD (Aviation Wing) tarlan danin, chuan man sanna ber, Aizawl - Siaha helicopter chuan man chu mi pakhat zelah Rs. 5,000 a tling a, hetihlai hian chuan man tlemna ber chu Aizawl - Saitual/Baktawng niin, mi pakhat zel-ah Rs. 2,000 a ni.  

Mizoram sawrkar chuan mipuite chhawk zangkhai tur atan tangkai taka hman turin Pawan Hans Helicopter Ltd. nen inremsiamin, Mizoram-ah August ni 20, 2012 atangin Helicopter hi service tir a ni.

Hemi atan hian Ministry of Home Affairs (MHA) in dan a lo siam angin a senso (expenditure) 75% chu MHA in pek a ni a, 25% chu state sawrkar tum a ni.