Aizawl July 28, 2022 : Mizoram Merchant Association (MIMA) General Hqrs. Office Bearer (OB) chuan Petrol control leh black-a petrol zawrh chungchang K Lalrinliana, Supply minister an sawipui a, Minister chhannaah an lawm tih thuchhuah an siam. Cheng 10 thir pawh SBI thuchhuak angin hman theih a ni, an ti.

Vawiin khan MIMA hruaitute chuan minister hi a Office Chamber kawmin, eng emaw harsatna a awma, POL Control vat anih thin avanga mipuiin POL-ah harsatna a thleng zawk nia an hriat dan an hrilh a. POL Control a nih hian a tuk lawkah POL a awm lo nghal zel a, mipuiin kan tuar zawk tiin minister hnenah hian an thlen a ni. MIMA chuan hei hi petrol black-a zuar an tam lutuk vang nia an ngaih thu te an sawi pui. Black a petrol zawrh hi phal loh anih thu hi thu awm sa a nia, chhuah thar leha, a rem dan tura hmala turin ngen nghal a ni. Minister hian a theih anga hma lak a tum thu MIMA hruaitute a lo hrilh a ni.

MIMA hruaitute ngenna kal zelah SBI manager chuan tunhnai khan hriattirna leh ngenna a siam, Rs. 10/- coin hman leh thleng, deposit theih anih chungchang SBI in a chhuah angin, Sumdawngte mai ni lovin, mitinin Rs. 10/- coin hi inhmang tawnin, dawng tlang vek ila, tumahin harsatna insiam lo turin kan ngenin kan inhriattir an ti bawk.