Aizawl : April 27, 2020 atanga Phuldungsei, Mamit District a Thangnang puang chuan kiam zai an la rehlo lo a, Zirtawp zan kha chuan tlemin an kai tlem deuh thung. Heng Thangnang te hi tunah chuan hniam tak taka an kai a, hei hi thli leh ruah vang niin an ngai, Thangnang an khawn atang hian cheng nuai 10 chuang man Phuldungsei khua hian an tel tawh tih thu kan dawng a, khaw dang atanga rawn khawng ve te lakluh zat erawh an hre thei lo.

Thlangdar chi khat, Thangnang tia sawi hi Phuldungdei khuaa Phulbial huam chhunga Vaisamtlang chauha a kai a, a hnuah Theipalingkawh tlang, Dampa sanctuary chhungah a kai belh leh a ni. Khawchhung leh khaw thenawmte chuan Thangnang hi khawngin khaw mipuite sum hmuhna hnar a ni mek a ni.

Phuldungsei, Phulbial atanga hla lo te Vaisam tlang ngaw-ah April ni 27 thimhlim atang khan Thangnang te hi an kai tan a, an kai dawn hian an thlawk thawm chu khawchhung atang pawhin a hriat theih niin he khaw mi te hian an sawi a. Tun thlengin zan tir lama an kai chuan thlipui tleh ang maia thawm an neih thin thu a sawi.

Khaw mipui tam zawkin heng Thangnang kai hi an khawng a ni ber a, chhungkua a khawng te phei chuan ni khatah cheng 7000 te an hlawh chhuak hman thin. Mipakhatin Rs 500 atanga 1000 man te an hralh. Thangnang an khawn atang hian an khua hian Cheng nuai 10 chuang nimin thleng khan an thawkchhuak tawh a ni.

Thangnang hi khawi lam atanga rawn kai nge tih Phuldungsei khua hian an la hre fuh thei lo a, Vaisam tlang bul vela awmte chuan vawi leh khatah thlipui angin an rawn ri thum huk thin, niin an sawi.

Heng Thangnang te hi 2007 Mautam dawna an kainaah bawk an rawn kai leh a, kum 50 kaltaa an kai tum pawh khan tuna an kainaah tho hian an kai a ni.