ZALEN June 9, 2025 : Mara District Congress Committee, Hqrs; Siaha hruaitute chuan vawiin khan Congress Bhawan, Siaha ah Party General Meeting neiin, Party Member kalkhawm te chuan, lungrual takin Resolution an passed a, MADC CEM nilai chu bang turin an phut.

Mara DCC chuan MADC CCB rules humhim anih theih nan M.Laikaw, CEM, MADC chu PL.Regional Council hlui Area chhunga piang a nih loh avangin, MADC CCB Rules Chapter 1, Sub Title 10 (C) - (2) angin MDC ni thei tur a ni loh avangin MDC a nihna atanga bang turin kan phut ani tih chu an passed.

Mara District Congress Committee chuan MADC-a CEM nihna chelh mek M.Laikaw chu Thiahratlah, Myanmar a piang a nih thu nau hlanna, ECM Kohhran record-ah chiang taka a lan thu sawiin, mahse MDC Inthlan dawna a document a thehluh ah erawh Siaha Vaihpi a piang anga Birth Certificate a neih thu te, Tin, a official Bio-data ah a pianna a tarlan erawh Pala (Lawngban) niin a danglam leh daih thu an sawi a ni.

Hetiang anih avang hian M.Laikaw, CEM MADC hian moral responsibility la se, MDC leh CEM a nihna atang hian bang mai se an duh thu Mara District Congress Party te chuan lungrual takin Resolution hi an passed a ni.

Treasury Bazar chu March 17, 2025 khan a kang a, a kang bang te thian a nih hnuah, ngaihtuah zui a hlawh lo a, tunah hian he kawng chhukthlaka vel lam Information & Public Relation Department hungna bang chu tunah hian chim mai thei dinhmunah a awm a, a bang te chu chim mai thei dinhmunah a ding a, kawng kal tan a him lo hle.