ZALEN Oct. 2, 2024; Vawiin chawhnu dar 1 vel khan Saiphai bulah rora phur pick up a chesual a, mipa kum 34 mi a boral.

Saiphai atanga ZALEN thudawn danin, balu phur pick up hi Saipum atanga Saiphai pan a ni a, mi pathum an chuang a, vanduaina tawka boral hi Remlalnunpuia, Saiphai Hmar veng a ni a. Handyman niin driver Lalngaisanga, Saipum pawh Aizawl panpui a ni a, mi dang pakhat erawhin hliam a tuar lo.

Thudawn danin, pick up hi kawng chhukah a brake a fail a, kawng thlang puitling hlam thum emaw vel a thui a lum.

Boral ta, Remlalnunpuia hi an chetsual hnuah Vairengte CHC panpui a ni a, CHC thlenpui a nih hnu lawk chawhnu dar 1:30 velah a boral niin thudawnna chuan a sawi a. An chetsualna hi Saiphai atanga Saipum lam, khaw dai maiah a ni.

Zaninah tlaivarpui a ni ang a, naktukah an chenna, Saiphai Hmar vengah vui a ni ang.

A ruang hi Vairengte CHC-ah postmortem tih a ni a, Vairengte Joint YMA-in kuang tumsakin an thlah a ni.