March 19, 2024; Vawiin tlai dar 4 rik hma deuh khan Khawlailung (Serchhip district) bul ah pickup a chesual a, naute kum la tlinglo a boral.

Khawlailung atanga ZALEN thudawn danin, pickup MZ 01 U 0201 hi Thinglian, Serchhip district atanga Aizawl pan nia hriat a ni a, mi 7 chuangin, vawiin tlai dar 4 rik hma deuh khan Khawlailung bulah a brake a fail a, kawngsir ah a let.

Vanduaina tawk a boral naute hi a nu Lalnghakmawiin a pawm a, a hlauthawngin motor atangin a fapa a zuan chhuahpui a, vanduaina hi an tawk zui a, a hmun ah naute hi boralin, naute nu pawh hian hliam tuarin, Serchhip damdawiin panpui a ni a, a dinhmun a tha vaklo nia thudawn a ni.

Pickup brake fail hi kawng thlang ah tlan liam loin, kawng sirah a let a, passenger dang hliam na lutuk tuar an awm lo nia thudawn niin, vanduaina tawkte hi Khawlailung atanga thawk chhuak mi tlawmngai ten an bawihsawm a, lirthei pawh hi hun fel tawh a ni.