Aizawl January 16, 2023: Mizoram Pollution Control Board chuan environment ti chhe thei, Sarang hman khap a nih chungchangah Mipuite te chu hman khat daih sarang hmang lo te, lalut lo tur leh siam lo tirin thuchhuah a siam a, a hrem theih dan an tichhuak bawk.

Ministry of Environment, Forests & Climate Change, Government of India Notification No. G.S.R. 571 (E) ni 12.08.2021-a thu a chhuah angin hman khat daih sarâng (Single Use Plastics) eng pawh siam, lâk luh leh hralh chhuah chu ni 01.07.2022 atangin a khap tawh a, Rules 4 (1) (c) of PWM Rules 2016 (amended 2021)-in a sawi angin sarâng ip (Carry bags) 120 microns aia pan te chu ni 31.12.2022 atang hian khap a ni leh bawk.

Thuchhuak angin dân bawhchhia chu Environmental Protection Act, 1986-in a sawi angin an bungrua man sak, Environmental Compensation lâk leh an Industries khârsakte thlengin a hrem theih a ni. Mizoram chhûngah sarâng pan hman, lei leh hralhte ti lo turin mipui te an ngen.