ZALEN February 26, 2025 : Vanramchhuangi (Ruatfela Nu) chuan Luangmual to Vaisam (Lunglei district) a kawng laih mek leh tui luankawr chhe lutuk te bakah black topping chhe lutuk avangin nimin khan Chairperson, Lokayukta Mizoram hnenah a hnuaia mi ang hian complaint a thehlut.

To,    

   The Chairperson           

   Lokayukta               

   Mizoram

Subject : Kawng siam chhia complaint

Ka pu,

Ni. 15. March. 2024-a Luangmual to Vaisam (Lunglei district) PMGSY kawng laih meka kawng sir tui luan kawr (side drain) hna chhe lutuk, kua khawi leh kea rah hleka sawm nghal vek thei leh, Ni. 20. February 2025 he kawng tho black topping chhe lutuk, kut lawnga khawh hlawk hlawk theih video clip viral ka lo hmu ve a. Hetianga ram dan dinglai leh ram mipui zahlohna nasa taka a mawhphurtu contractor, VRS Construction, Zonuam Aizawl leh Lunglei Road Division-II Lunglei Mizorama a hotu lu berte; an thiltihsual anga hrem an nih ngei theih nan dan anga hmala turin ka ngen a che.

PMGSY sum hmanga laih, Luangmual to Vaisam kawng chhia thlalak/video clip leh he kawng laiha information pawimawh, RTI dan hmanga kan dil chhuah ka rawn thil tel e.

I rintlak,

(VANRAMCHHUANGI)

Chaltlang Dawrkawn

Mobile No: 9612163881

Ruatfela Nu hian PMGSY suma Luangmual to Vaisam kawng laih mek RTI dan hmanga a dilte pawh Anti Corruption Bureau (ACB) ah March 4, 2024 khan FIR a lo thehlut tawh a, amaherawhchu ACB hian a FIR theh luh chu vawiin thleng hian an hmalakna thawm a hriat loh avang leh, Luangmual to Vaisam kawng tho black topping kuta khawk hlawk hlawk theiha chhia, February 20, 2025-a video viral nen Lokayukta-ah hian Complaint a theh lut ta zawk tih a sawi.