Aizawl May 11, 2024 : FCS&CA chuan Rel kawng chhiat vanga Mizorama POL (petrol & diesel) lakluh kawnga harsatna tawh mek chungchangah rel kawng hi siam that tawh a ni tawh tih hriattirna an chhuah.

Tun dinhmunah Mizoram aiin Tripura-in harsatna an tawh nasat zawk avangin rel-in POL a phurh hmasak pahnih (rake hnih) hi Tripura tan zuah phawt a ni ang a, rake thumna chu Mizoram sorkarin theih tawpa hma a lakna zarah Mizorama tan IOCL hotuten ruahmanna an siam a ni. Hetianga rel kawng a lo that takah chuan POL (petrol leh diesel) hi dan pangngai angin tluang takin chat lak lovin lak luh chhunzawm theih a ni tawh tur thu an sawi.

POL-a Mizoramin harsatna a tawh mek chu ziaawm chho zel tura ngaih a ni a, mipuite lo chiai lo turin Food, Civil Supplies & Consumer Affairs Department chuan a ngenin a hriattir a ni.