ZALEN, June 5, 2024; Mizoram police ten dawr rawktu manin, a thil hralh lo lei chhawngtu mi pakhat an man tel.

SK Variety store, MHIP building, Dawrpui chu misual tu tih hriat lohvin May ni 30, 2024 zan dar 8 atanga a tuk zing dar 4 inkarah an rawk a, rukru hian dawr bungrua cigarette Rs. 15,000 man hu leh pawisa fai Rs. 1,000 a ru chhuak.

Police ten hma la zuiin, Ramdinmawia (25) s/o Lalramnghaka, Ainawn Veng, Aizawl nia inchhal chu May ni 31 an man. Ramdinmawia hian dawr hi ama rawk ngei a nih thu police te bulah a puang a, a thil rukte chu hnamdang sumdawng pakhat Tahil Ahmed (48), Karimganj, Dawrpui a khawsa mek hnenah Rs. 43,000 a a hralh chhawn thu a sawi. Tahil Ahmed hi thil ruk a lei avangin thubuai siamsak a ni a, man tel nghal a ni.