DOWNLOAD OUR APP

Read latest news on your phone
app-store

Police in halpuah leh halmawi hal lo turin ngen

Nov 24, 2022

Aizawl SP C. Lalruaia chuan kumin krismas leh kumthar vuakvet ah halpuah leh halmawi hal khapna dan khauh takin an kengkawh dawn tih a sawi a, dan zawmlo te police a report zung zung zel turin mipuite a chah.

November 24, 2022; Aizawl SP C. Lalruaia chuan kumin krismas leh kumthar vuakvet ah halpuah leh halmawi hal khapna dan khauh takin an kengkawh dawn tih a sawi a, dan zawmlo te police a report zung zung zel turin mipuite a chah.

Vawiin khan a office ah thuthar thehdarhtute kawmin C. Lalruaia chuan, krismas leh kumthar vuakvet a halpuah leh halmawi hal khapna dan chu theihtawp chhuahin an kengkawh dawn tih a sawi a, tumah man tur awm lo se an duh thu leh, halpuah leh halmawi tello a krismas leh kumthar hmang turin mipuite a chah tih a sawi.

Aizawl SP sawi danin, nikum krismas leh kumin kumthar vuakvet ah halpuah leh halmawi khapna dan bawhchhiat chungchangah thubuai 23 ziahluh an nei a, chung zinga thubuai 18 te chu chinfel tawh niin, convicted tawh an ni a, thubuai ngaihtuah mek 5 a la awm. Mi man 26 man nei bawkin, an zinga mi 19 te chu halpuah leh halmawi neitu/zuar niin, midang 7 te chu a hmangtu/haltu an ni. Halpuah leh halmawi an man zawng zawng Rs. 2,00,375/- a tling.

Tun thla ni 21 khan Bawngkawn Police te chuan halpuah leh halmawi lam chi cheng 68,000/- hu an man leh tawh bawk.

Share now