April 12, 2024; Mizoram police in HPC (D) cadre mi 3 an man a, an zinga pakhat NDPS thubuai ah kum 10 tang tura hrem a ni.

CID (SB) hnuaia special operation team chuan ni 25.3.2024 khan Saipum, Kolasib district-ah NEEPCO/Tuirial Hydel Project leh Mauchar khaw inkar kawnga hnam dang sumdawng hnen atanga pawisa chhuhsak kaihhnawihah mi pathum; Lalzarzova (47) s/o Tlangkhuma, Mauchar, HPC-D cadre (Lalhmingthanga Sanate faction), Lalropianga (38) s/o Lalengliana, Thingpuikual, Manipur leh Lalmuankima (34) s/o Thangmawia, Mauchar te an man a, Sakawrdai Police Station case No. 5/24, dt. 23.3.24 U/S 397/395/341/34 IPC ziah luh a ni.

Kum 2021 March ni 20 khan Excise & Narcotics-a thawkte’n Lalzarzova hnen atang hian Heroin gram 324 ‘Ralbawm ram’ Kolasib district, Bukpui atanga km. 8 vela hlaah an man a, NDPS case siam sak niin Case No. A/O SC(K) No. 15/21 u/s 21(c) register a ni. 

A hriselna a that loh vangin court-in bail-in ni 15.09.2021 khan lung in atangin a chhuahtir a. He case-ah hian ni 8.4.2024 khan Kolasib Fast Track Court chuan hremna tichhuakin kum 10 lung ina tang tur leh Rs. 1,00,000/- chawi turin a ti a ni.