September 20, 2023; Mizoram police chuan MLA inthlanpui tluang tak leh muanawm taka neih a nih theihna'n August, 21, 2023 atang khan zu leh ruihhlo do beihpui an thlak a, zu leh ruihhlo thahnemtak man an nei tawh.

Police thuchhuah tarlan danin, August ni 21, 2023 atanga nimin thleng khan tualchhung siam zu (rakzu) litre 5,953.25 man tawh in, chu chu Rs. Nuai 29.76 man hu a ni. Heroin kg 18.97, Rs. Nuai 569.10 man hu man tawh bawkin, Methamphetamine kg 55.72, Rs. Nuai 724.36 man hu, Crystal Meth kg 3.100, Rs. Nuai 930 man hu an man tawh bawk.

Heng bakah hian sapzu, ganja, pseudoephedrine, beer etc. engemawzah man an nei tawh bawk.

Mizoram police chuan kan ram tibuaitu ruihhlote chu theihtawp chhuahin a dovin a bei zel dawn tih tarlangin, mipuite leh ruihhlo dona kawnga thahnemngai pawl hrang hrangte thawhpuina leh thlawpna an ngen tih an thuchhuah ah an tarlang.