Aigust 13, 2023; Tunhnaia ruihhlo pung chho mek tirem turin VDP Lunglei Town te leh Lunglei Police te chuan beihpui an thlak chhunzawm zel a. Police te leh veng hrang hrang VDP te thawkhovin ngawrh takin hma an la mek.

Lunglei khaw chhunga dan lova zu leh ruihhlo zawrhna (network of illicit liqour and drug trade) ching chhuak tura an hma lakna kal mekah nimin, August 12, 2023 khan Joint Operation neih niin, zu leh ruihhlo kaihhnawihah mi 8 manin, case 4 ziah luh a ni a, Heroin gram 22.225 leh zu litre 15.135 man a ni.

He Joint Operation-ah hian mipuite hnenah ruihhlo, cybercrime, road safety leh traffic awareness chungchang zirtirna hun neih nghal a ni a, pamphlet 500 sem chhuah a ni.

Lunglei VDP te leh Police te thawhhona hlawhtling tak hian khawtlang himna leh ruihhlo dona kawngah huam zau leh awmze nei zawkin hma a lak theih a ni tih chiang takin a lantir a ni.