February 16, 2023; Home department chhunga officer te, danin a phal chin chauh lirthei leh sipai/orderly kawl tura ngen an nihna chu a hlawhtling hle.

Home Minister K. Sangdanga'n February 15, 2024 khan Lalbiakthanga Khiangte, IGP nen khunkhan taka an inkawm thu leh thu tam tak an sawi dun thu a official social media page ah a tarlang.

Home Minister chuan, "Home department chhunga officer te, danin a phal chin chauh lirthei leh sipai/orderly kawl tura ka ngenna chu a hlawhtling hle a, February thla chhunga inching fel tura kan inngenna chu thla chanve chhungin kan hlawhtling thawkhat niin kan inhria a, kan officer te chungah lawmthu ka sawi," a ti.

Home Department hotu liante nen inpawh takin hna an thawkho thei tih tarlang bawkin, "Police officer-te hian dan ang thlapa mipui rawngbawl an duhin an inhuam hle tih ka hmu," a ti a, "Dik taka dan rorelna kengkawh turin hma kan laho ang a, kum rei lote chhungin Mizoram Police hi mipuite rinngam leh innghahna tlak leh zual an nih thuai ka beisei," a ti bawk.