Police te mimal thila inchhawr awma an hriat avangin MPYCC-in Home Minister-ah ngenna thlen
MPYCC chuan tunhnai khan Mizoram Police Department hnuaiah an hotuten an naute an hna pangngai (official duty) piah lamah mimal hnaa inchhawr a hluar nia report an dawn bawhzuiin mimal thila in chhawr hi tihtawp a nih theih nan vawiin khan Home Minister Lalchamliana hnenah ziakin ngenna kan thlen.

Aizawl February 8, 2023: Mizoram Pradesh Youth Congress Committee (MPYCC) chuan tunhnai khan Mizoram Police Department hnuaiah an hotuten an naute an hna pangngai (official duty) piah lamah mimal hnaa inchhawr a hluar nia report an dawn bawhzuiin mimal thila in chhawr hi tihtawp a nih theih nan vawiin khan Home Minister Lalchamliana hnenah ziakin ngenna kan thlen.
MPYCC chuan Congress party-in Sawrkarna a chan chhung khan, khatih laia Home Minister R. Lalzirliana ho khan mimal hna thawk tura inchhawr hi khap a lo ni tawh a, an hna pangngai baka inchhawr thin pawh kha sawi tur a awm lo hle tawh a ni, an ti.
Congress Thalai thuchhuak chuan, "Dan leh thupek kenkawh kawngah MNF sawrkar a inthlahdah avangin mimal hna thawk tura Police te inchhawr hi tunhnaiah hriat tur a lo awm leh ta hi pawi kan ti takzet a. Mimal tin ten thlamuang taka an hnate thahnemngai leh rinawm taka an thawh kan duh ber a. Hetiang inchhawrluihna sawi tur hria chuan MPYCC hruaitute hnenah engtiklai pawhin report theih reng a ni a. MPYCC chuan inchhawrluihna hi tihtawp a nih ngei theih nan a tul angin hma kan la zel dawn a ni," tih a tarlang.
Latest News
-
HLIM I THLANG THEI
3m | Mar 29, 2023 -
In dan khel ang aw
2m | Mar 29, 2023 -
Orlando Bloom leh Zelenskyy an inkawm
1m | Mar 28, 2023 -
YouTube Gold Play Button dawng hmasa ber ZORIMAWI
1m | Mar 28, 2023 -
Robert-a'n mirethei te thleng phak hmasawnna thlen a ngaih thu thlen
2m | Mar 28, 2023 -